«Հայաստան/Армения» խորագրի պահոցը

Ընդունելություն. Ռազմաքաղաքական ուսումնասիրությունների դպրոց – 2014

Հնգամսյա երեկոյան դասընթաց լրագրողների, քաղաքագետների և ընդհանրապես հակա­մարտություններով ու ռազմական թեմաներով հետաքրքրվողների համար։

ՈՒՍՈՒՄՆԱՍԻՐՎՈՂ ԹԵՄԱՆԵՐ

  • Հայաստանը XXI դարում. խնդիրներ, սպառնալիքներ, մարտահրավերներ։
  • Ուժերի բալանս. տարածաշրջանի զինված ուժեր, ռազմական դաշինքներ՝ ՆԱՏՕ, ՀԱՊԿ։
  • Պատերազմող մոլորակ. հակամարտություններ՝ Հյուսիսային Կովկասից մինչև Սիրիա, Աֆղանստանից մինչև Բալկաններ, միջազգային խաղաղապահ գործողություններ, պատերազմի ոչ ավանդական ձևեր։
  • Անկախության տարեգրություն. Արցախյան շարժում, պատերազմ, անկախության առաջին տասնամյակ։
  • Ռազմավարական աշխարհագրություն. Հայաստան և հարակից շրջաններ։
  • Մեդիագրագիտություն. արդյունավետ աշխատանք տեղեկատվության հետ, աղբյուրների վերլուծություն, քննական մտածողություն, տեղեկատվական անվտանգության հարցեր, նոր մեդիա գործիքներ։
  • Քարոզչության անատոմիա. տեղեկատվական-հոգեբանական պատերազմներ, քարոզչություն ու PR, հայկական և արտասահմանյան փորձի վերլուծություն, քարոզչական միֆեր, թեզեր։

Ավելի մանրամասն տեղեկությունների, այդ թվում՝ դիմումի ձևի մասին կարող եք անցնել հետևյալ հղումով։

Հայտարարության տարածումը ողջունելի է 🙂

Պիտակներ. , ,

“Русские витязи” в Эребуни.

Под катом еще фотки
Կարդալ այս տարրի մնացած մասը »

Պիտակներ. , , , ,

Մինուս ինքնագովքը, մինուս սեփական քաղաքական հին դարդերի լացը, մինուս սեփական քաղաքական ներկա լոզունգները։

Մնացյալի մասով (հիմնականում ելույթի առաջին կեսում է). երբեք չէի մտածի, որ լեզուս կպտտվի ԼՏՊ-ի հասցեին դրական մի բառ ասեմ, բայց այնուամենայնիվ պիտի խոստովանեմ, որ «մայդանի թեմայով» տրված նրա գնահատականները կշռադատված են, ոչ էմոցիոնալ և արտացոլում են օբյեկտիվ իրականությունը։

Պիտակներ. , , ,

58 տարի առաջ, այս օրը Վլադիմիրյան բանտում վախճանվեց Գարեգին Նժդեհը։ Անհավատալի և ցավալի է, բայց մահից տասնամյակներ անց նրան սկսեցին սպանել արդեն անկախ Հայաստանում։

Մի կողմից նրա «հետնորդ» են իրենց այսօր հռչակում մարդիկ, ում Նժդեհն առանց վայրկյան իսկ վարանելու Տաթևի ձորը կնետեր։

Մյուս կողմից նրա ամբողջ փիլիսոփայական, հրապարակախոսական, գաղափարախոսական ժառանգությունն այսօր մատուցված է մեր հասարակությանը պրիմիտիվացված ու նույնիսկ վուլգարացված ձևով. հատվածական, կտրված ժամանակագրական և տարածական կոնտեքստից։

Բայց Նժդեհի գործը միայն ինտելեկտուալ ժառանգությունը չէր, որը մեզ ավանդեց. Նժդեհի գործը նաև Ղարաքիլիսան ու Զանգեզուրն էր ու քանի դեռ այդ գործն անմահ է, Նժդեհն էլ է ողջ։

Պիտակներ. ,

ԱԺ օպտիմալացում

Չէ, բայց յարաբ խի՞ ունենք Ազգային Ժողով։ Ոնց նայում եմ, մեր համար մի հատ ցելի ԱԺ ունենալը ճոխությունա։ 131 հոգի մուֆթա տեղը վեր են կենում, գալիս են եքյա շենքը զբաղեցնում, ժամանակ վատնում, որ ի՞նչ։ Վերջիվերջո էդ մարդիկ հո պարապ չեն, բիզնեսա, բանա, էն էլ էս նոր տարվա դեմ ու ցրտին։

Էդքանի փոխարեն մի հատ պուճուր սենյակա պետք վերցնել, որտեղ կհավաքվեն խմբակցությունների ղեկավարները կամ քարտուղարները, ասենք Գալուստ Սահակյանը, Նաիրա Զոհրաբյանը, Լևոն Զուրաբյանը, Հեղինե Բիշարյանը, Արմեն Ռուստամյանը ու Զարուհի Փոստանջյանը։ Հա, մեկ էլ Հովիկ Աբրահամյանը կլինի։

Կառավարությունն իրա պեչատելու անհրաժեշտ թղթերը կբերի, Հովիկ Աբրահամյանը կասի, թե ինչ թղթեր են քվերակվում ու կհայտարարի քվեարկություն։ Ըտեղ Գալուստ Սակահյանը կասի 70 կողմ, մյուսները կասեն համապատասխանաբար 36, 7, 6, 5, 4 դեմ, Հովիկ Աբրահամյանն էդ ամեն ինչը կգրանցի, պեչատը կխփի, հետ կտա կառավարությունը։

ԱԺ շենքն էլ կարա խոսքի որպես հյուրանոց ծախվի ինչ-որ մեկին։ Ինչու՞ ոչ։ Համ էլ բյուջե փող կլցվի, ահագին փող էլ կխնայվի, դե ընտեղ ԱԺ աշխատակազմա, բանա, լույսի ու գազի փողա վերջիվերջո, ծառայողական մեքենաներ։

Կամ, ասենք էդքան հավաքվել էլ պետք չի էէէ։ Ավելի հեշտ ձև կա, կառավարությունը քյասար սաղ թղթերը մեկի հետ կուղարկի Գալուստ Գրիգորիչենց տուն, Գրիգորիչը մի հատ նավսյակի կզանգի մյուս խմբակցությունների ղեկավարներին, որ ճշտի կողմ են, դեմ թե ձեռնպահ, արձանագրություն կկազմի, պեչատը կդնի ու էդ նույն մարդու հետ կուղարկի հետ կառավարություն։

Ֆսյո, ավելի էժան, ավելի արագ ու նույն որակի։ Օրենքներ ընդունելը կդառնա 5 րոպեի գործ, բա չէ, կարդալ, քննարկել հանձնաժողովներում, հետո նիստի ժամանակ, ելույթներ ունենալ, հարցեր տալ, որ ի՞նչ այ ախպեր։

Պիտակներ. , ,

Կուտակայինի մասին

Նախ, էն գլխից ասեմ, որ էդ օրենքին ես դեմ եմ ոչ թե այն պատճառով, որ սկզբունքորեն սխալ եմ համարում, այլ որովհետև ինքը խառնում ա իմ բոլոր պլանները, որը ես ունեի առաջիկա տարիների համար ու իմ համար կենսական մի շարք խնդիրների լուծումը հետաձգումա ևս մի քանի տարով։

Հա, այ տենց էգոիստական պատճառներով, առանց ինչ-որ վեհ գաղափարների։ Ըստ այդմ, թեև ցույցերին գնացել եմ, բայց ցույցերին հնչած բոլոր մտքերի ու լոզունգների հետ չի, որ համամիտ եմ։

Հիմա խնդրի մասին հնարավորինս անկողմնակալ։ Կարդալ այս տարրի մնացած մասը »

Պիտակներ. , ,

Հայկական 84 հատ տանկ արդեն արդիականացվում է

Ինձ, ճիշտն ասած, թվում էր, որ էս լուրին դեռ մի 2 տարի էլ կսպասենք, բայց պարզվեց, որ իրականում գործընթացն ավելի շուտ էր սկսվել։ Ավելի շուտ, քան մամուլում համապատասխան տեղեկություններ հայտնվեցին։ 84 հատ մեր Տ-72 տանկ լեհերն արդիականացնում են PT-72U մակարդակի։ Բոլոր 84-ի արդիականացումը կավարտվի 2015-ին ու մեկ միավորը կարժենա մոտ 1.2 մլն դոլար (ընդհանուր մոտ 100 մլն. դոլար)։

Զեկույց. Լեհաստանը Հայաստանի համար 84 տանկ է արդիականացնում

Պիտակներ. , , , , , ,

Artur Sakunts
ով որ Պուտինի այցի օրը դուրս չեկավ դեմն առնելու , ու ասի ռադ եղիր, ուրեմն քուչի թուլա է՝ անկախ դիրքից, անկախ զբաղմունքից, սեռից, տարիքից․․ ուրեմն ստրուկ է, տարական մարդկային արժանապատվությունից զուրկ․․․ սա է․․ եթե կա այլ տարբերակ ասեք․․

Այս կաղապարը. «Ով չի բավարարում X պայմանին, նա <ինչ-որ բացասական պիտակներ>» պարզվում է շատ բեղուն է և մոտ է նույնիսկ իրենց ամենալիբերալ և մարդասիրական դիրքերից ներկայացող մարդկանց սրտին:

Քֆուր-քյաֆար չեմ ուզում գրել, բայց փաստեմ մի այլ բան. Արթուր Սաքունցը տարիներ շարունակ իր համար կերտել է ազատամիտ մարդու և իրավապաշտպանի կերպար: Թե որքանով է անկեղծ եղել իր այդ կերպարում ” դա ինքը գիտի, բայց մարդն այսօր մի րոպեում այդ ամեն ինչը ջրեց ու ինքն իրեն մարգինալացրեց, որովհետև նման ԸՆԴՀԱՆՐԱԿԱՆ վիրավորանքներ տեղող անձն ակնհայտ մարդատյաց է: Իսկ մարդատյացը և իրավապաշտպանն անհամատեղելի են:

Հ.Գ.
Ու գիտե՞ք որնա ամենահետաքրքիրը: Նախկին իրավապաշտպանի այս «պռապուսկատը» ունենալու է միայն հակառակը էֆեկտը ” շատանալու են Ռուսաստանի հետ էլ ավելի «բարեկամացման» կողմնակիցները:

Որովհետև, եթե մարդուն վիրավորելով պահանջում ես մի բան անել, ինքը ճիշտ հակառակն է անում:

Պիտակներ. , , , , ,

Այսօր մի դարաշրջան … ավարտվեց

Մահացել է Սոս Սարգսյանը։ Վերջինն իր սերնդից՝ իր մեջ կուտակած այդ սերնդի ո՜ղջ իմաստությունը։ Թումանյանական ինչ-որ բան կար նրա մեջ, ինչ-որ բան Դաշտենցի հերոսներից, ինչ-որ բան կորուսյալ հայրենիքից։

Ու ահա, վերջ. չկա այլևս Վարպետը, չկա այդ սերունդը։

Պիտակներ. , ,

Խորեն Աբրահամյանը շատ սիրված դերասան էր, բայց ցավոք՝ ճիշտ չգնահատված։ Նա կեպարներ չէր կերտում, մարգարեանում էր։ Ֆիլմերը մի կողմ, թատերական ներկայացումների տեսագրություններն է պետք նայել։

Մեկ այլ չգնահատված և ցավոք սրտի՝ այսօր նաև գրեթե անհայտ մարգարե էլ Պերճ Զեյթունցյանն է։

Երկու հատված Պերճ Զեյթունցյանի «Անավարտ մենախոսությունից» Խորեն Աբրահամյանի բեմադրությամբ ։

Պիտակներ. , , ,