«քաղաքական» պիտակով գրառումները

Հեղափոխական ռոմանտիզմի, խեղճ էրեխեքի, ռեժիմի ու մնացած բաների մասին

Երևանում զինված խմբի վնասազերծման թեման առաջին հայացքից ահագին տարօրինակ ռեակցիա առաջացրեց շատերի կողմից։ Իրավապահ ու արդարադատության համակարգերի նկատմամբ ավանդական (ու արդարացված) թերահավատությունից բացի կա նաև ձերբակալվածների նկատմամբ որոշակի համակրանք։ Մոտավորապես «ռեժիմի դեմ պայքարող խեղճ էրեխեք»։

Կարդալ այս տարրի մնացած մասը »

Պիտակներ. , ,

Երկու Հայաստան

Գոյություն ունի երկու Հայաստան, որոնց որոշ պայմանակնությամբ անվանենք վիրտուալ և իրական։

Վիրտուալ Հայաստանը մինչև կոկորդ հագեցած է իրադարձություններով։ Ինքներդ դատեք. խայտաբղետ հասարակական շարժումներ, արյունահեղ հեղափոխություններ, Բաքվի գրավումը, ծպտյալ հայերի ապստամբության նախապատրաստական աշխատանքները և այլն, և այլն։ Ու այդ ամենը ժողովրդի անունից, ժողովրդի համար և ժողովրդի միահամուռ մասնակցությամբ։

Հետո ֆեյսբուքից դուրս եմ գալիս ու նայում եմ շուրջս. ծանոթներիս, բարեկամներիս, հարազատներիս, ընկերներիս և այլն։ Մարդիկ, որքան էլ դա տարօրինակ է շուրջը եռացող հեղափոխությունների պայմաններում, հիմնականում զբաղված են ոչ թե այդ հեղափոխություններով, այլ իրենց առօրյա հոգսերով. ինչ ուտել, ինչ հագնել, երեխաների դասերը ստուգել, դպրոցում ծնող են կանչել, գնալ, վերևի հարևանը էլի ջուր է լցրել, գնալ կռվել և այլն, և այլն։

Արա, ու ինչքա՜ն են տարբերվում այդ երկու հայաստանները ու ինչքա՜ն իրար հետ ոչ մի կապ չունեն։

Հ.Գ.
Պետք չի գրել, թե «վիրտուալ Հայաստանը ռեալում էլ է բաներ փոխել, բլաբլաբլա»։ Նախ` դրա համար էլ գրել եմ «որոշ պայմանականությամբ»։ Երկրորդ` միևնույնն է, այդ երկու հայաստանները լրիվ տարբեր երկրներ են։ Մեկ-մեկ նույնիսկ սկսում եմ կասկածել, որ տարբեր մոլորակների վրա են։
Հ.Հ.Գ.
Այո, սույն գրառումը պատվիրված է իշխանությունների կողմից ահագնացող ժողովրդական շարժման դեմն առնելու և իշխանությունների դիրքերն ամրապնդելու համար։

Պիտակներ. , ,

Սիրիան քիմիական զենք չի օգտագործի, եթե արտաքին ագրեսիա չլինի: Նույնիսկ ակնարկ էլ չէ, այլ բաց տեքստով զգուշացում։

Ու դրան զուգահեռ «Իրանում փորձարկվել է առաջին քիմիական հրթիռը»։ Թե ինչ է նշանակում «քիմիական հրթիռ», դժվար է ասել ու դժվար է ասել նաև, թե որքանով է այս տեղեկությունը հավաստի։ Կապրենք, կտեսնենք։

Պիտակներ. , ,

Օկազիցցա լֆիկ բառը նշանակում է.

Այո’, պարսկերեն lif բառից է և նշանակում է <<քիսա>>:

ՖԲ «Մայրենի լեզվի դասեր» խմբից։ Իմ ներսի լեզվական շովինիստը վրդովվումա, որ այդ գեղեցիկ հայերեն բառը չի կիրառվում այսօր։ Ու շատ իզուր, օրինակ … օրինակ, որ ասենք Քիսիկ Սամո ինչքա՜ն լավ, ես կասեի հայրենասիրական կհնչի, չէ՞։

Վսե պեռսոնաժի վիմիշլենի, լյուբոե սխոդստվը պռաստոե սավպադենիե։

Պիտակներ. , ,