Լինե՞լ, թե՞ չլինել … բարբարոս: Իսկ ինչու՞ չլինել: Եվ ընդհանրապես, ունե՞նք արդյոք մենք այլընտրանք:
-Чистая Правда со временем восторжествует,
Если проделает то же, что явная Ложь.
Мустафа Нетим был коренным жителем Полиса, но за его гуманистические взгляды его выселили оттуда Тигранакерт, Харберд, Алеп, Тер Зор. Его преследовали Энвер, Талеат и Кемал, последний пообещал большое количество золота, тому турку, который принесет ему голову Нетима.
Подробности и уважаемого Соса Мовсисяна тут.
39-րդ շախմատային օլիմպիադա
Sep 19
Այսօր Խանտի-Մանսիյսկում սկսվում է շախմատային 39-րդ օլիմպիադան: Մրցաշարի պաշտոնական բացումը կլինի վաղը, խաղերը կսկսվեն երեքշաբթի օրվանից: Մեր հավաքականի կազմը հետևյալն է. Լևոն Արոնյան, Վլադիմիր Հակոբյան, Գաբրիել Սարգսյան, Արման Փաշիկյան, Աոետիք Գրիգորյան: Մաղթենք մեր հավաքականին երրորդ անընդմեջ ոսկի:
Ջղայնացած:
Sep 19
Ցավոք սրտի, երեկ ուղևորությունը ձախողվեց մեքենայում առաջացած անսարքության պատճառով, ու ստիպված ետ դարձանք: Բայց անկախ առաջին փորձի ձախողումից այդ երթուղով Արցախ առաջիկայում գնալու ենք: Հույս ունեմ, որ հաջորդ անգամ առնաց տհաճ անակնկալների:
Դե մենք գնացինք:
Sep 18
Հիշեցում N:2
Sep 17
Հարգելի ընկերներ, հիշեցնում եմ, որ առաջիկայում նախատեսվում է ուղևորություն Արցախ, և, որ մեքենայում կան երկու ազատ տեղեր, որոնք կարող եք զբաղեցնել դուք:
Ասեմ, որ նախնական երթուղին փոխվել է: Նախ շարժվելու ենք շաբաթ երեկոյան ու հասնելու ենք Քարվաճառ քաղաք, որտեղ և գիշերելու ենք: Մինչև Քարվաճառ մենք մենակ չենք գնալու. մեկ այլ մեքենայով այնտեղ է գնում նաև կոլեգաներիցս մեկը իր ընկերների հետ (որոնց թվում նաև aaghayan-ը): Իրենք այդ ճանապարհը արդեն շատ լավ գիտեն, բազմիցս գնացել են, այնպես որ առանց խնդրի տեղ կհասնենք: Դրա շնորհիվ հաջորդ առավոտյան մի քանի ժամ շահած ենք ունենում, որի շնորհիվ առաջին օրը կարող ենք այցելել մի քանի այլ վայրեր ևս. ենթադրաբար կգնանք կամ Սարսանգ, կամ Իստիսու, կամ էլ ուղղակի ավելի շատ ժամանակ անց կկացնենք Դադիվանքում և Գանձասարում: Փոփվել են նաև երթուղու այլ հատվածներ և գիշերելու վայրերը: Երթուղին այժմ ունի հետևյալ տեսքը:
Շաբաթ.
Երևան-Քարվաճառ:
Կիրակի.
Քարվաճառ-Դադիվանք-Գանձասար-Մարտակերտով Տիգրանակերտ-Նոր Մարաղա (հավանական է, որ այս երթուղում ավելանա նաև Իստիսուն կամ Սարսանգը):
Երկուշաբթի.
Նոր Մարաղա-Շուշի-Ամարաս-Հադրութ-Արաքսի ափ-նոր ջրամբար-Միջնավան-Կովսական-Կապան:
Երեքշաբթի.
Կապան-Երևան:
Գիշերակացի վայրերը Քարվաճառ, Նոր Մարաղա, Կապան:
Եթե միանալ ցանկացողներ կան, խնդրում եմ մինչև այսօր երեկոյան ինձ տեղյակ պահեք:
Հիշեցում N:1
Sep 17
Originally posted by at Աշուն է։ Երեկոյան դպրոցի ժամանակն է։
«Ժառանգ» հասարակական կազմակերպություն
«Քարոզչության անատոմիա» երեկոյան դպրոց
Երևան, հոկտեմբերի 4 — դեկտեմբերի 11, 2010
Դպրոցի նպատակն է քննել քարոզչության դասական և ժամանակակից մեթոդները, ուսումնասիրել զանազան հակամարտություններին ուղեկցող տեղեկատվական-հոգեբանական գործողություններն, ինչպես նաև քարոզչության և հանրային կարծիքի ձևավորման ոլորտում միջազգային փորձը։ Առանձնահատուկ ուշադրություն կդարձվի Հայաստանի տեղեկատվական անվտանգության խնդիրներին։
Ուսումնասիրվող առարկաներն են.
- Տեղեկատվական պատերազմներ, քարոզչություն և հանրային կարծիքի ձևավորում, ժամանակակից հակամարտություններում տեղեկատվական և հոգեբանական գործողություններ։
- Տարածաշրջանային հակամարտություններ. դրանց պատմաքաղաքական և ժողովրդագրական արմատները։ Ռազմավարական աշխարհագրություն։ Տարածաշրջանի ներկա աշխարհաքաղաքական իրավիճակ, միջազգային հարաբերություններ, անվտանգության խնդիրներ։
- Ազգային ինքնություն, ազգայնականություն. հայկական և օտար փորձի վերլուծություն։
Դիմումներն ընդունվում են մինչև սեպտեմբերի 26-ը ներառյալ։
Մանրամասներն ու դիմումի ձևն այստեղ. «Քարոզչության անատոմիա» երեկոյան դպրոց
* * *
Պաշտոնական հայտարարությունից զատ մի երկու խոսք էլ ավելացնեմ.
ա. Սա արդեն վեցերորդ նմանատիպ դասընթացն է։ Նախորդ անգամները մրցույթը եղել է մեկ տեղի համար երեքից վեց դիմորդ։
բ. Դպրոցից հետո շրջանավարտները մի քիչ այլ ձևի են նայում աշխարհին։ Այդ պատճառով մեզ երբեմն մեղադրում են, թե «աղանդ» ենք 🙂
գ. Մենք աշխատում ենք շատ լարված գրաֆիկով, «ձեռքի հետ մասնակցել» չի ստացվում։
դ. Դպրոց գալիս են տարբեր մասնագիտությունների և քաղաքական հայացքների տեր մարդիկ՝ ֆիզիկոսներից մինչև քաղաքագետներ, ՀԱԿ-ի անդամներից մինչև դաշնակցականներ։
* * *
Իմ կարծիքով դպրոցն առավել օգտակար կլինի հետևյալ ոլորտներով զբաղվողների համար.
ա. Քաղաքականությունով զբաղվողներին, քաղաքագետներին, քաղաքականությունը լուսաբանող լրագրողներին և բլոգգերներին։
բ. Սոցիալ հոգեբաններին, սոցիոլոգներին, զանգվածային հաղորդակցություններով և հակամարտություններով հետաքրքրվողներին։
գ. Զանազան հասարակական շարժումների ակտիվիստներին։
դ. Արևելագետներին։
Իմաստ չունի դիմել. երիտչինովնիկներին, սպամերներին, արագ հարստանալու դեղատոմսեր որոնող անձանց։ Սա գրում եմ՝ հաշվի առնելով նախորդ դպրոցների որոշ դիմումներ։
* * *
Ժառանգի գործունեությանը կարելի է հետևել նաև Ֆեյսբուքի միջոցով։ Ուրախ կլինեմ դպրոցին վերաբերող հարցերին պատասխանել այստեղ կամ Ֆեյսբուքում։
Ճանապարհորդություն Արցախով
Sep 16
Մի քանի ընկերներով նախատեսում ենք առաջիկա հանգստյան օրերը` սեպտեմբերի 19-ից 21-ը, կազմակերպել ճանապարհորդություն Արցախով: Նախնական մոտավոր երթուղին հետևյալն է. Երևան-Զոդ-Դադիվանք-Գանձասար-Ստեփանակերտ-Շուշի-Տիգրանակերտ-Ամարաս-Արաքսի ափ-Միջնավան-Կովսական-Կապան-Երևան: Գիշերելու ենք Շուշիում և Կապանում:
Կա հավանականություն, որ մեքենայում կլինի երկու ազատ տեղ, այնպես որ, եթե կան միանալ ցանկացողներր, ապա կարող են տեղյակ պահել ինձ կամ այս գրառման տակ, կամ անձնական հաղորդագրության միջոցով: Բոլոր ծախսերը կատարվելու են հավասար մասնաբաժիններով: Տեղյակ պահելու վերջնաժամկետն է ուրբաթ երեկոն կամ ծայրահեղ դեպքում շաբաթ առավոտյան:
Նաև շնորհակալ կլինեմ առաջարկների և խորհուրդների համար:
Կարդում եմ Տիգրան Սարգսյանի “Գեոպոլիսի” (ի դեպ, չէ՞ր կարելի հայերեն անուն մտածել ” ասենք Երկրավան) մասին գրառման մեկնաբանությունները ու մտածում. “յարաբ բլոգերների քանի՞ տոկոսն են վերջում կողմ դուրս գալու այս նախագծին”:
