իրականացնել երկու ժողովուրդների փոխվստահության վերականգնմանն ուղղված պատմական հարթության երկխոսություն, այդ թվում` պատմական փաստաթղթերի և արխիվների գիտական, անկողմնակալ ուսումնասիրությունների միջոցով գոյություն ունեցող խնդիրների հստակեցման ու առաջարկների ձևակերպման համար

Վերահաստատելով երկու երկրների միջև գոյություն ունեցող ընդհանուր սահմանի փոխադարձ ճանաչումը` սահմանված միջազգային իրավունքի պայմանագրերով:

Եթե սկլերոզով չեմ տառապում, չեմ կորցրել բառերի իմաստը ընկալելու և կապակցված միտքը հասկանալու կարողությունս, ապա այս երկուսը Թուրքիայի կողմից Հայաստանին առաջադրվող երեք նախապայմաններից երկուսն են և ինչպես տեսնում եք, դրանք կատարվել են: Ուրեմն 4 ամիս մեր ականջից լափշա էին կախում, թե “առանց նախապայմանների՜, պողոս-պետրո՜ս”:  Իսկ երրորդ նախապայմանը “օկուպացված տարածքներից” հեռանալն էր: Ես պատճառ չունեմ մտածելու, թե այն նույնպես չի ընդունվել: Այսպիսով սա կապիտուլյացիա է /ընդ որում անկախ երրորդ նախապայմանի ընդունված լինելու մասին իմ ենթադրության ճշմարտացիությունից/: Ուզում եմ հիշեցնել նաև, որ երբ ապրիլի 23-ից հետո որոշ քաղաքագետներ, մասնավորապես Արմեն Այվազյանը, հայտարարեցին այս կետերի Հայաստանի կողմից ընդունված լինելու մասին, նրանց զանազան պիտակներ կպցրեցին ու մեղադրեցին էլ պանիկյորության, էլ կեղծ, անհիմն լուրեր տարածելու, էլ ես շատ գիտեմ ինչ մահացու մեղքերի մեջ:

Պիտակներ. эдулик убейся апстенку намазанное йадом, հայ-թուրքական հակամարտություն, Հայաստան, միամիտ հայեր

Հիշո՞ւմ եք այս պատմությունը: Ու այսօր այդ տականքների դեմ գործ հարուցելու փոխարեն գործ են հարուցում այդ ամենը ջրի երես հանողների դեմ: Մանրամասներն այստեղ:

Պիտակներ. ազգի տականքը, Հայաստան

Ե՞րբ էինք վերջին անգամ տեսել, որ ԱԺ-ում կառավարության ներկայացրած օրինագծին սենց քննադատեն: Ես չեմ հիշում տենց բան: Ուրեմն հիշեցին էլ ֆաշիստական Գերմանիա, էլ Կարմիր տեռոր, էլ հակասահմանդրական, էլ կառավարության վստահության հարց, էլ տապալված հակաճգնաժամային ծրագրեր, էլ ներքին արտադրող ու էլ ես շատ գիտեմ թե ինչ: Հայրենի երեսփոխանների միտքը թռիչքներ էր, որ ապրում էր: Ես, որ Արշակ Սադոյանի գնալուց հետո ԱԺ չեմ նայում, երեկ ուղղակի զմայվում էի այդ հեռուստաթատրոնով: Մի քիչ էլ, որ գնար, կսկսեին արդեն իրանց մեջից մատնացույց անել, թե “այ հենա սաղս էլ գիտենք, որ էս մեր կոլեգան հարկեր չի մուծում, թող իրան գործող օրենսդրությամբ էն բանից անեն”: Ասեմ, որ առավել մոտիկ էին մատնացույց անելուն դո… թֆու “Բարգավաճ Հայաստան” խմբակցության անդամները: Հա, հա:

Ես  իհարկե համաձայն եմ, որ հարկային օրենսգրքի նոր փոփոխությունները էշություններ են, բայց երեսփոխաններ ջան, էտ որ Կառավարությունը ուրիշ էշություններ էշությունների հետևից բերում էր. էլ կրթական, էլ ընտրական, էլ եսիմ ինչական, խի՞ ձեն չէիք հանում, այ ես ձեր էն մաշված “Այո”-ի կնոպկին ղուրբան: Էտ, որ մանր ու միջրն բիզնեսին էին “ստվերից հանում”, էտ խի՞ մի ծպտուն չէիք հանում, այ ես ձեր երեկվա ճարտասանությանը մեռնեմ: Դուք ոչ մեկդ մանր ու միջին բիզնես չունեք, դրա համա՞ր:  Հիմա հենց ձեր կաշվին են կպնում, տենց ռեզկի ազգի մասին մտածող դառաք, հա՞:

Պիտակներ. ԱԺ, բա սա երկիրա՞, երեսփոխանական, Հայաստան

Վերջին մեկ-երկու օրվա կռիվ-կռվի մասին:

Եթե խմելու ջրով լցված դույլի մեջ մի քիչ ցեխ լցնենք, ապա ջուրը դույլում կդառանա ցեխաջուր:

Դրանից հետո կարելի է նստել ու երկար-բարակ դատողություններ անել այն բանի շուրջ, թե այդ դույլի մեջ իրականում ցեխաջուր չի, այլ մաքուր ջուր է, որ պարզապես այնտեղ կան ցեխի մեջ մտնող նյութերի մի քանի միլիարդ մոլեկուլներ, բայց դրանց կողքին կան նաև ջրի հազարավոր միլիարդների հասնող մաքրամաքուր մոլեկուլներ ու այդ մի քանի միլիարդ ցեխի մոլեկուլների պատճառով չի կարելի ընդհանրացումներ անել ու դույլի ամբողջ ջուրը կոչել ցեխաջուր: Առավել զգույշները կխոսեն ոչ թե ցեխաջրի, այլ  ցեխի 10%-անոց, 20%-անոց և այլն լուծույթների մասին: Բայց այդ բոլորը կմնան միայն տեսական դատողություններ, ինչպես և ցեխաջուրը կմնա ցեխաջուր, ու հենց հերթը հասնի այդ դույլից ջուր խմելուն, բոլորը միանգամից, այդ թվում վերոհիշյալ դատողություններ անողները, զզվանքով երեսները կծամածռեն:

Ընդհանրապես ազգի որակը որոշվում է ոչ թե այդ ազգի լավագույն ներկայացուցիչներով, այլ ընդհակառակը` վատագույններով, ինչպես և ջրի որակն է որոշվում ցեխի մոլեկուլներով:

Մի խոսքով, հայրենակիցներ ջան, եթե դույլում ցեխաջուր է, պետք չի ինքնաներշնչել, թե այնտեղ մաքուր ջուր է. դա ինքնախաբեություն է: Դրա փոխարեն դույլի ջուրը մաքրեք, որ հետո հանգիստ հագեցնեք ձեր ծարավը:

Պիտակներ. ինքնաքննադատության ինքնասպան թույն, Հայաստան, հայեր

Միացրեցի Հ1-ով “25 րոպե” հաղորդումը. ափսոս կեսից: Միացրեցի հենց այն պահին, երբ հաղորդման հյուր Էդուարդ Շարմազանովը հայտարարեց, որ Սերժ Սարգսյանը Նոբելայն մրցանակի է արժանի:  Հետաքրքիր է, Շարմազանովը Փղի բլոգը կարդու՞մ է, թե չէ:

Մնացածից ինչ հասցրեցի լսել, դա այն էր, որ. “Ադրբեջանը հիստերիա է բարձրացրել, և ուրեմն պարզ տրամաբանությունն ասում է, որ դա նրանց ձեռնտու չէ, մտեք ինտերնետ ու կարդացեք”:  Հետաքրքիր է, պարոն Շարմազանովը շախմատ խաղալ գիտի՞: Քանի՞ քայլ առաջ է կարողանում մտածել: Ես օրինակ շախմատ խաղալ չգիտեմ, բայց վերջին 4 տարում անընդհատ շփվել եմ ադրբեջանցիների հետ ու եկել եմ այն համոզման, որ ցանկացած շարքային ադրբեջանցի իր դերասանական վարպետությամբ մի մատով կծալի բոլոր օսկարակիր դերասաններին միասին վերցրած: Դատողություններ անել, հենվելով ադրբեջանցիների ռեակցիայից … դե լավ:

Խոսեց նաև, թե ինչքան են գովել Սերժ Սարգսյանին ու նաև թե ինչքան է փափկել Իլհամ Ալիևը, որ հիմա ասում է “միջազգային իրավունքի բոլոր սկզբունքներ”:  Սենց բաներ: Ախր Շարմազանովը վախտին խելքը գլխին տղա էր, է:

Պիտակներ. հայ-թուրքական հակամարտություն, Հայաստան, հայեր